Somos BOMBO, un pequeno gran equipo e estámoste esperando.
Poderíamos dicir moitas cousas sobre nós, pero se temos que destacar unha, sería o compromiso. O noso compromiso e implicación en cada proxecto aparece porque poñemos o corazón en cada deseño. Somos dinámicos e organizados, pero non o imos negar, temos ese punto creativo da vella escola da publicidade. Deseñamos contigo, non para ti.
O noso equipo
O noso equipo, en constante evolución, está formado de base por tres deseñadores con diferentes especializacións: Juan Regueiro, Alberto Murillo e Cecilia Martínez que abarcan diferentes proxectos dende a xestión previa ata o resultado final, acompañándote durante todo o proceso de deseño. E ti, queres coñecernos?
Colaboradores e colaboracións
Somos pequenos, pero matóns. Por iso o noso equipo medra de forma dinámica grazas á nosa rede de profesionais colaboradores que traballan con nós según as necesidades específicas de cada proxecto. Que precisas unhas fotos? Contamos cos mellores fotógrafos para ti. E se necesitas o teu material impreso, nin te imaxinas os provedores cos que contamos.
Ademais, o noso equipo adáptase tamén a outros sectores e formamos parte de equipos de traballo aportando o noso grao de area. Longa vida ás colaboracións!
" O DESEÑO É O PENSAMENTO FEITO VISUAL"
Traballar en equipo
Gústanos implicarnos en cada proxecto, por iso a nosa forma de traballo está ligada á proximidade co cliente e o traballo en equipo. Queremos escoitarte e poder aconsellarte con propostas creativas e innovadoras que axuden a impulsar a túa marca. Se necesitas darlle un aire ao teu proxecto, temos o que estás buscando.
METODOLOXÍA
Investigación
Para nós todo proxecto debe ter un proceso de investigación previo, isto axudará a xerar unhas bases de traballo para conseguir os mellores resultados. Ademais, somos curiosos por natureza.
Análise
Analizar, analizar e logo tomar decisións, esa é a cuestión. Así as decisións serán máis acertadas e iso verase reflexado no resultado final. Veña, imos mirar os datos con lupa!
Estratexia
Se temos que percorrer un camiño, mellor será ter un plan. A planificación e a estratexia son claves para a túa marca e comunicación, cada paso estudado será benvido cando o tempo che pise os talóns.
Deseño
E cando chega a parte de deseño, vímonos arriba. Experimentamos coa estética e a funcionalidade para conseguir un resultado creativo. Para que mentir?, gústannos as cores!
Desenvolvemento
Unha vez encarreirado o deseño, toca a parte de desenvolvemento do proxecto ao completo. Neste momento, é cando vemos todas as posibilidades que ten un concepto, e aquí, é cando choramos de alegría.
Lanzamento
O proceso chega ao seu fin e con el, o lanzamento do proxecto e a hora de velo en acción. Involucrámonos tanto no proceso, que nos poñemos nerviosos e contentos como se fora o noso propio proxecto.
RECOÑECEMENTOS AO NOSO TRABALLO
Premios:
- Selección Anuaria: Premio Anuaria al mejor Programa de identidad corporativa (Mad Marx).
- Selección Anuaria: Premio Anuaria al mejor trabajo de autopromoción.
- Selección Anuaria: Premio Anuaria a la mejor campaña de publicidad en medios digitales. (Murder Party. Dinahosting)
Libros e publicacións:
- Revista Visual
- Guía Creativity 2008
- Packaging & Structure. Sendpoint publications.
- Select G. Index book Editions
- Card design. Lnpress editors
Mencións en blogs especializados en deseño e tendencias:
- trendhunter.com
- packagingoftheworld.com
- creative-inspiration.co.uk
Participación en charlas e conferencias:
- "Un pez fuera del agua" en la EASD Pablo Picasso. (Conferencia)
- We are ads. Festival de Publicidad de la Facultad de CCSS y Comunicación de Pontevedra. (Conferencia)
Talleres:
- Cursos de caligrafía y Lettering en el MAC, Museo de Arte Contemporáneo de A Coruña
(4 ediciones) - Taller de Caligrafía en la Biblioteca Municipar de A Coruña.
- Taller de Letras Capitulares para niños en la Biblioteca Infantil del Forum Metropolitano
(A Coruña)